【#後生仔傾吓偈】陸浩明失言遭圍攻　舊拍檔麥明詩Ben Sir發長文護航

主持陸浩明（6號）早前於節目《#後生仔傾吓偈》中，誤講「香港係SARS病毒源頭」，雖然身旁的拍檔馮盈盈已馬上澄清，否認病毒源頭來自香港，但陸浩明的言論被網民截圖及轉載，廣受批評。

雖然，陸浩明即在網上致歉，並在昨日（2月17日）聲淚俱下地親身向大眾道歉，但仍未能平息民憤。

而6號獲在《#後生仔傾吓偈》的舊拍檔麥明詩，以及Ben Sir（歐陽偉豪）分別發文力挺，希望網民把槍口對準源頭、放過陸浩明。

【武漢肺炎防疫電子書】TOPick《預防新型冠狀病毒口罩百科》電子書免費下載連結

【防疫電子書】免費下載TOPick《新冠肺炎兒童防疫指南》電子書

▲ 麥明詩親身看過節目片段後發文挺陸浩。（Facebook圖片）

Ben Sir為陸浩明解釋

跟6號合作過多個節目的Ben Sir（歐陽偉豪），在昨晚（17號）於個人Facebook發文稱：

出呢個post之前我都要諗過度過，雖然我唔出聲冇人話我啞，雖然我照出聲亦吹我唔漲，因為我係任性嘅。

陸浩係我拍檔，一齊做過3輯ben sir睇樓團，做過talk show, 做過ben sir研究院,彼此間建立咗某種關係。對於佢講錯嘢，認錯兼盡早道歉，呢種做法我係欣賞嘅。

▲ Ben Sir希望大家對準槍頭、不要分化。（instagarm圖片）

Ben Sir亦提到因二人將要開拍《Ben Sir睇樓團4》，身為過去及將來的節目拍檔，亦不得不出言力挺6號。

末段，Ben Sir表示大家要深思熟慮，令藝人甚至社會每個階層都分裂至此的源頭到底是誰。

▲ 麥明詩與陸浩明及馮盈盈是好拍檔。（instagarm圖片）

麥明詩發長文護6號

已沒有當《#後生仔傾吓偈》主持，現身在台北工作的麥明詩亦於今日（2月18日）中午，在個人facebook以「別太鞭尸」為題發表長文，表示同意Ben Sir所言：

唔講嘢冇人話我啞；我亦都知道我講嘢對我冇任何好處，但或許我現在比較少顧慮，正所謂「官到無求膽自大」#曲，所以忍唔住講多句：真係希望大家可以把槍口對翻准啱嘅位置。

接著，她以前食物及衞生局副局長梁卓偉作例子：「一月尾嘅時候，梁卓偉因為一句『戴口罩講唔到嘢』論多日備受關注，好多人卻忽略了佢之後出黎宣佈，以模型分析預估已有4.4萬人感染。其實佢冇必要出來講一個同正式公佈確診數目差咁遠嘅數字（嗰時正式公布確診不夠1萬），佢之前嘅口罩論的確係誤導到大眾，但佢隨即道歉，且繼續出黎分享一啲或許並非緊貼官方口吻嘅報告，我覺得起碼算係(比較)有承擔，係咪要chur住佢唔放呢。」

馮盈盈往大坑西邨派口罩予長者，詳情請睇 http://bit.ly/3bLzrIO

▲ 麥明詩離開節目組前，眾人出發往加拿大為《#後生仔傾吓偈》取景。（instagarm圖片）

最後麥明詩動之以情，指陸浩明是位照顧後輩的藝人：

陸浩係我合作咗幾年嘅前輩，說實話佢一直照顧後輩，有幾次我同fyy（馮盈盈）出大show出錯佢都幫我地補獲carry我地；當然，講到良知嘅時候唔可以被私人感情左右；佢呢一次佢固然係大錯特錯，但佢緊接講錯嗰句之後，佢係話「係因為有個廣州人喺內地食…」然後yy（馮盈盈）話「係佛山」；資料都未必係啱，但係可見應該係一個口誤，佢當時應該係知道由內地傳落黎。

當然，呢個口誤好嚴重、佢責無旁貸；而陸浩亦即刻出黎道歉。

▲ 《#後生仔傾吓偈》的三位元祖級主持。（instagarm圖片）

麥明詩並稱，明白大家可能對陸浩明與某些其他前輩的關係而有所意見，但形容指6號「比較圓滑係佢做人處事嘅方式」以及她提醒大家，陸浩明是一直專注香港市場、專注做廣東話節目的主持。

最後，麥明詩指：「佢係錯，而我之前未睇清楚段片就評論咗都係錯，節目組冇修正係錯，但希望大家關注咗呢件事之後，可以將關注放喺啲真係黑心、不道德、埋沒良知嘅人上面。謝謝。」

不少網民在麥明詩facebook的發帖留言表示，相信陸浩明今次是口誤，不過提議他應該在《#後生仔傾吓偈》節目再一次道歉及澄清更為恰當。麥明詩回應表示認同網民的提議，並稱會向有關方面反映。

陸浩明為失言哽咽道歉，詳情請睇 http://bit.ly/2wqKW8A